Birthday of a fisherman

"مچھیرے کی سالگرہ"
(سری لنکا- تآمل۔ ادب سے ایک خوبصورت انتخاب)

"مہاولی" کے نیلگوں پانیوں پر شام کی ہوا چلنے لگی۔۔۔۔۔۔۔۔۔۔
بوڑھا سلوا پانی پر ہچکولے لیتے کشتی گھر میں سراپا انتظار ہے۔۔۔۔۔۔۔۔
اس کی آنکھوں میں اک اضطراب ہے۔۔۔۔۔
اپنے پوتے مرلی کی راہ دیکھا رہا ہے
وہ آج دوپہر سے غائب ہے؛نہ جانے کہاں؟
کشتی گھر کی کوٹھری میں ایک میز پوش بچھا ہے۔۔۔۔۔۔۔۔۔
ایک کونے میں دو جال ہیں ۔۔۔۔۔۔۔۔۔۔۔۔ ۔۔۔۔۔۔۔۔ اور ایک چپو پڑا ہے
بوڑھا سلوا ؛کہنے کو آج اسی برس کا ہو گیا ہے
مرلی اور کشتی گھر کے رکھوالے نے اس
کی سالگرہ کا دن ڈھونڈا ہے،،،جیسے بھی
آج سب دعوت اڑائیں گے۔۔۔۔۔۔
دو بوڑھے اور ایک بچہ۔۔۔۔۔۔
پسے ناریل سے بنی فیرنی کا کٹورہ میز پوش پر رکھا ہے۔۔۔۔۔۔۔۔۔۔۔۔۔۔۔
دو لکڑی کی رکابیاں اس کے ہمراہ ہیں
کشتی گھر کا چوکیدار اور مرلی۔۔۔۔دونوں غائب ہیں
رات کا اندھیرا پھیلنے لگا؛؛چوکیدار آن پہنچا
اس کے ہاتھ میں ایک "جیک فروٹ" ہے۔۔۔۔
گہرے سبز رنگ کا،،وہ دیو ہیکل ہے
زندہ دل بوڑھا اپنے یار سلوا کیلیے تحفہ لے آیا ۔۔۔۔۔
ایک بڑا جیک فروٹ
سلوا کو اب بھی اضطراب ہے۔۔۔اس کی نگاہ اپنے جال اور چپو پر ہے۔۔۔۔۔۔۔
چاہے جو بھی ہو اسے جلدی سونا ہے ۔۔۔۔۔ ۔کل روشنی ہونے سے پہلے "دریائی سیٹھ" کی لانچ گہرے پانی تک لیجانی ہے۔۔۔۔۔۔۔۔
کل وہ کافی مچھلیاں پکڑنا چاہتا ہے۔۔کچھ بھی ہو
لیکن مرلی کہاں ہے۔۔۔۔وہ یہ ہنگامہ جلد ختم کرنا چاہتا ہے۔۔۔۔۔۔۔۔۔۔۔۔۔۔ ۔۔۔۔۔ ۔۔۔۔۔۔۔۔۔
۔۔۔۔۔۔مرلی ایک گول ناریل اٹھائے ساحل پر بیٹھا ہے۔۔۔۔۔
اس کی آنکھوں میں آنسو تیر رہے ہیں
تاروں کی ہلکی روشنی میں وہ بار بار اپنی جیب سے شیشے کی مرتبانی نکالتا ہے ۔ ۔۔۔
اس میں دو ننھی "سیلمن" تیرتی ہیں
وہ دونوں سنہری مچھلیاں کافی دنوں سے اس کے پاس ہیں
وہ آج شام سے ایک بڑی سیپ تلاش کر رہا ہے
وہ چاہتا ہے وہ کسی بند منہ والی سیپ میں اپنی پیاری مچھلیاں ڈال کر اپنے دادا کو سالگرہ کا سب سے اچھا تحفہ دے-----------
مچھلیاں سونے جیسی سنہری ہیں جیسے اپنی ماں کی پہلوٹھی کی جنی ہیں ۔۔۔۔۔
اسے سیپ نہیں ملی۔۔۔۔۔وہ غمزدہ ہوا بیٹھا ہے
رات کافی پھیل گئی ہے۔۔۔۔۔۔اچانک مرلی ساحل سے اٹھ بیٹھا؛اس نے اپنے ناریل کو چوما اور کشتی گھر کو چلا گیا۔۔۔۔۔۔۔۔۔۔۔۔
بوڑھا سلوا اب بیزار ہو رہا ہے اور اپنے یار؛کشتی کے نگہبان سے گلا کر رہا ہے
لیکن وہ ان سنی کیے۔۔۔۔۔رکابی میں جیک فروٹ کاٹ رہا ہے۔۔۔۔۔سلوا ناخوش ہو رہا ہے اس صبح لانچ پر جانا ہے۔۔۔۔کچھ بھی ہو؛
مرلی بھاگتے ہوئے آیا ہے اور اپنے دادا سے آداب کرتا ہے۔ ۔۔۔۔۔۔۔
تاخیر کی کچھ چہ مگوئیاں سناتا ہے۔۔۔۔
رکھوالا سلوا کو اپنا جیک فروٹ کا تحفہ پیش کرتا ہے۔۔۔۔۔۔اور ایک نظر ناریل اٹھائے مرلی کو دیکھتا ہے۔۔۔۔۔۔۔۔۔
مرلی کی آنکھوں میں کوئی آنسو نہیں۔۔۔۔۔۔ناریل کا سر کٹا ہوا ہے۔۔۔۔۔۔
اس نے سلوا کو تھما دیا ۔۔۔۔۔۔
سلوا حیران ہے۔ پھر اس نے ناریل کا کاٹا ہوا سر اتار دیا۔۔۔۔۔۔ وہ اندر سے گورا تھا اور پانی سے بھرا ہوا۔۔۔۔۔۔۔۔۔۔سلوا کے چہرے پر استعجاب ہے
اچانک؛ناریل کے کٹورے جیسے پیٹ میں حرکت ہوئی؛دو سنہری "سیلمن"تیرتی ہیں
ناریل کے پانی میں مرلی نے اپنی مچھلیاں ڈال دیں ہیں۔۔۔۔۔۔۔۔۔
یہ کیسا تحفہ اس نے دیا؟
سلوا اور رکھوالا ایک دوسرے کا منہ تکتے ہیں
جیسے کوئی انہونی ولایتی چیز دیکھی ہو۔۔۔۔۔۔
سلوا کو یہ کیسا تحفہ ملا،،،،ناریل کے چاندی جیسے پانی میں جیسے دھوپ کی کرنیں تیرتی ہوں۔۔۔۔۔۔۔۔۔۔سلوا کی نگاہیں چپو پر نہیں جاتیں۔۔۔۔۔۔اس نے مرلی کا منہ چوما
وہ خوشی سے بھر گیا ۔۔ ۔۔وہ آج اپنی سالگرہ منائے گا؛؛؛لانچ پھر کسی دن
وہ اپنے پیارے ساتھی اور پوتے کے ساتھ سالگرہ منائے گا ۔۔۔۔۔۔۔
وہ پوتا جس نے اس کو ایسا تحفہ دیا جو اس سو دریاؤں والے ملک میں کسی کو نہ ملا۔۔۔۔۔
فیرنی کا کٹورا ۔۔۔۔۔خالی ہو رہا ہے
ستارے ہر سو پھیلے ہیں، ان کی روشنی "مہاولی" کی سطح پر قمقمے بنا رہی ہے۔